Pepe Prontu Tun Iha Final. f vs p
Pepe Prontu Tun Iha Final
DILI, HAKSESUK BOLA, EURO2016 França-Melhor defeza ekipa nacional Portugal Pepe fila hikas husi aliza no prontu atu tun hodi reforsa Portugal iha jogu final EURO, Segunda (11/7/2016) dader kontra ekipa nacional França ne’ebe hanesan uma nain.
Pepe iha Semi Finais bainhira Portugal jogu hasoru Wales nia labele tun hodi reforsa Portugal, tanba sei halo hela tratamentu ba aliza ne’ebe nia hetan ih ninia ain. Maibe depois de tuir treinamentu ba preparasaun jogu Final, iha Sabadu (9/7/2016), Pepe fo konfirmasaun katak, ninia kondisaun saude diak ona no prontu atu tun.
Defeza husi klube Real Madrid ne’e mos dehan, jogu Final hasoru França, ne’e nudar jogu ida ne’ebe inportante tebes no nia iha valor boot liu susesu sira ne’ebe durante nia (Pepe) hetan iha klube.
“Ida ne’e nudar jogu inportante, tanba nia reprezenta Nasaun no Povu Portugal. Ami hakarak atu hakerek ami nia naran iha historia,”koalia Pepe ba iha Soccerway.
Iha sorin seluk, Treinador Portugal Fernando Santos mos fo indikasaun makas katak, iha noticia diak kata, Pepe prontu atu tun fila fali no nia halo ona treinamentu hanesan babain.
(HAKSESUK BOLA)
Komentar