Labarik sira mak sai futuru ba Nasaun
“
Labarik sira mak sai futuru ba Nasaun”
Ter. 11 de Marsu de 2014, 17:02h
Primeiru-Ministru, Kay Rala Xanana Gusmão, partisipa iha serimónia kona-ba talentu kultural ba labarik sira (hahú husi tinan 5 to’o tinan 12) kuaze na’in 500 iha Be-hau, distritu Manatuto. Ne’ebé hala’o iha loron 9 Marsu, organiza husi Ministériu Administrasaun Estatal servisu hamutuk ho Madre husi KIJ (Kongregasaun Instituisaun Jesus), inklui grupu kultural Le-Zeval. Eventu ne’e atu haree talentu labarik sira nian kona-ba dansa tradisionál, poezia, teatru, pintura no diskursu iha lian tolu hanesan tétun, portugés no inglés.
Kay Rala Xanana Gusmão apresia prezensa labarik iha Be-hau, atu hatudu sira-nia talentu. “Ohin-loron ita hanorin iha eskola, haluha tiha atu hatene saida mak labarik sira-nia kbiit ka talentu? Madre sira hakaas-aan tebtebes, aprezenta dala ida ona iha Delta Nova. Tanba ne’e, ami apresia tebes ita-boot sira-nia servisu ba labarik ho vontade di’ak”.
Tuir Primeiru-Ministru, “futuru Timor-Leste iha labarik sira-nia liman. Tanba ne’e, prepara aan didi’ak iha area saida de’it, atu foti nafatin rai no povu ida-ne’e”.
Iha fatin hanesan, Ministru Admnistrasaun Estatal, Jorge da Conceição Teme informa katak “kolaborasaun ho Fundasaun Le-Zeval no Madre sira husi Kongregasaun Instituisaun Jesus, atu halo aprezentasaun kultura, ho objektivu atu hasa’e no haburas talentu no kapasidade, hodi hametin labarik sira-nia mehi ba futuru Timor-Leste, ne’ebé nakonu ho prosperiedade, paz no estabilidade”.
Ministeriu Administrasaun Estatal, nu’udar Ministériu ne’ebé administra povu husi nivel aldeia to’o nasionál, iha komprimisu atu fó atensaun ba povu nia oan, hamutuk ho Ministériu Turizmu no Sekretária Estadu Arte no Kultura.
“Ami hakarak haburas duni oan sira-nia talent dansa, kanta koa’lia, teatru no kapasidade, atu bele kompete iha rejiaun aziatiku no mundo internasional”, Jorge da Conceição Teme h
Komentar