Halo Espionajem-Asaltu Australia Tauk Lakon Mina Tasi Timor
Halo Espionajem-Asaltu Australia Tauk Lakon Mina Tasi Timor
posted: Friday, December 20, 2013 | 0 comments | 589 Views
Relasiona ho espionajem ne’ebe Intelijensia Australia nian halo ba Timor hodi nauk informasaun politika no taktika ba negosiasaun tratadu Certain Maritime agreementsof the Timor Sea (CMATS) inklui hadau dokumentus legal husi advogadu TL bainhira atu ba tribunal arbitrajem, konsidera Australia tauk atu lakon iha tribunal abitrajem ba asesu mina iha Tasi Timor, tanba realidade dokumentus sira ne’ebe hatudu ne’e direitu povu TL nian.
Eis Vice Primeiru Ministru, Mario Viegas Carrascalao ba JN-Diario Segunda (16/12) iha Hotel Timor, Dili esplika, uluk Indonsia halo akordu ho Australia atu halo esplorasaun ba rikusoin tasi timor, iha momentu ne’e Australia halo protesta ba Indonesia atu fahe rikusoin refere, nune’e Ministru Negosiu estranjeiru Australia Gareth Evans ho Ministru Negosiu Estranjeiru Indonesia Ali Alatas halo akordu ida no sira rua asina iha 11 Dezembru 1989 no akordu ne’e lao iha 9 Fevereiru 1991
“Hau hare ba dadus hotu katak, lolos ne’e Timor mak manan, dadus ne’e hatudu Timor mak iha direitu sira ne’e, tanba uluk iha tempu Indonesia, Governu Indonesia asina tiha akordu ho Australia ba esplorasaun mina tasi timor, nune’e Australia mai nauk ita nia sasan. Signifika katak ne’e direitu Timor nian tuir lei internasional laos Australia nian,” esplika eng. Mario Carrascalao
Nia haktuir, entaun ho dadus sira ne’e mak halo Australia tauk lakon mina no gas iha tasi timor nune’e sira halo manipulasaun oi-oin hasoru hodi bandu ital abele diskute fronteira, tanba bainhira lei maritime ne’e TL levanta sira laiha ona direitu.
Eis Governador iha okupasaun Indonesia ne’e afirma, kazu ne’ebe hanesan uluk sira halo mai TL atu foti Bayu Udan ba sira nia rain, maibe sorte TL matan moris hodi salva mina ne’e, agora sira mai atu hadau tan Greater Sunrise.
“Australia tauk lakon riku soin Timor nian mak sira halo espionajem no asalta tan ita nia advogadu inklui ita nia sasin ba sira nia espionajem. Sira hakarak buka dalan atu manan, mais diak ida sira sei lamanan,” tenik eng. Mario.
Nia mos lakonkorda, rai bot hanesan Australia bele halo ida ne’e ba TL, maibe ida mos kuandu sira nia imajem komesa monu sira komesa halo oi-oin no sira tenki hanoin dala rua.
Nia akresenta, atu manan tenki iha kredibilidade ba oin, mesmu ema hetene buat ne’e falsu.
“Ita nia Governu lori kazu ne’e ba abitrar ne’e tenki garantia kedas, TL rai ki’ik tenki iha garantia 100% ita los labele hanesan Australia nian, ema nia passaporte mos prende hotu, ne’e hatun deit dignidade nasaun nian iha mundu,” afirma nia. nty
Eis Vice Primeiru Ministru, Mario Viegas Carrascalao ba JN-Diario Segunda (16/12) iha Hotel Timor, Dili esplika, uluk Indonsia halo akordu ho Australia atu halo esplorasaun ba rikusoin tasi timor, iha momentu ne’e Australia halo protesta ba Indonesia atu fahe rikusoin refere, nune’e Ministru Negosiu estranjeiru Australia Gareth Evans ho Ministru Negosiu Estranjeiru Indonesia Ali Alatas halo akordu ida no sira rua asina iha 11 Dezembru 1989 no akordu ne’e lao iha 9 Fevereiru 1991
“Hau hare ba dadus hotu katak, lolos ne’e Timor mak manan, dadus ne’e hatudu Timor mak iha direitu sira ne’e, tanba uluk iha tempu Indonesia, Governu Indonesia asina tiha akordu ho Australia ba esplorasaun mina tasi timor, nune’e Australia mai nauk ita nia sasan. Signifika katak ne’e direitu Timor nian tuir lei internasional laos Australia nian,” esplika eng. Mario Carrascalao
Nia haktuir, entaun ho dadus sira ne’e mak halo Australia tauk lakon mina no gas iha tasi timor nune’e sira halo manipulasaun oi-oin hasoru hodi bandu ital abele diskute fronteira, tanba bainhira lei maritime ne’e TL levanta sira laiha ona direitu.
Eis Governador iha okupasaun Indonesia ne’e afirma, kazu ne’ebe hanesan uluk sira halo mai TL atu foti Bayu Udan ba sira nia rain, maibe sorte TL matan moris hodi salva mina ne’e, agora sira mai atu hadau tan Greater Sunrise.
“Australia tauk lakon riku soin Timor nian mak sira halo espionajem no asalta tan ita nia advogadu inklui ita nia sasin ba sira nia espionajem. Sira hakarak buka dalan atu manan, mais diak ida sira sei lamanan,” tenik eng. Mario.
Nia mos lakonkorda, rai bot hanesan Australia bele halo ida ne’e ba TL, maibe ida mos kuandu sira nia imajem komesa monu sira komesa halo oi-oin no sira tenki hanoin dala rua.
Nia akresenta, atu manan tenki iha kredibilidade ba oin, mesmu ema hetene buat ne’e falsu.
“Ita nia Governu lori kazu ne’e ba abitrar ne’e tenki garantia kedas, TL rai ki’ik tenki iha garantia 100% ita los labele hanesan Australia nian, ema nia passaporte mos prende hotu, ne’e hatun deit dignidade nasaun nian iha mundu,” afirma nia. nty
Komentar