Posivel, Marvi fila mai TL depois tinan foun

posted: Friday, December 30, 2016 | 0 comments | 125 Views

Maria Vitoria ou Marvi laos ona buat foun ba nasaun Timor Leste, tanba ho naran Marvi ne’e konsege hamorin  Timor Leste iha Asia liu husi programa Dangdut Academia Asia2 (DAA2).

Povu tomak, liu-liu Marvelovers hein no esperansa boot atu nia bele to’o lalais iha Timor antes de tinan foun 2017. Nune’e, bele iha oprotunidade atu halo konsertu mini iha Centro Convensoens Dili (CCD) iha kalan fahe rua 31 Dezembru 2016 hodi despede tinan tuan no simu tinan foun 2017. Maibe, esperansa ida ne’e sei hela nafaint ho esperansa, tanba tuir informasaun nebe Diario Nasional hetan husi Jerente ETO, Edmundo F. Lopes nebe oras ne’e dadaun hamutuk hela ho Maria Vitoria iha Indonesia informa katak posibel Maria Vitoria sei fila mai Timor depois de tinan foun.

“Sesta (30/12/2016), Maria Vitoria sei aranka ba Bali hodi hare direitamente nia mama nebe oras ne’e halo hela tratamentu saude,” informa Edmundo Lopes liu husi Whatshaap.

Wainhira husu kona ba informasaun nebe espalha iha media sosial katak Maria Vitoria sei kanta iha Centru Convensaun Dili (CCD), iha loron 31 Dezembru kalan, Edmundo klarifika katak, novidade hirak ne’e la los.

Iha fatin seluk Diretora Nasional Administrasaun e Finansas iha Sekertariu Estadu Joventude no Desportu (SEJD) Maria Lucia Monteiro nebe servisu hamutuk mos ho ETO informa mos katak karik Maria Vitoria mai tuir informasaun nebe Direitor Jeral koalia sai ona katak parte Governu prontu ona atu oinsa organiza simu Maria Vitoria iha aeroportu no lori konvoi haleu Dili laran, para depois final iha SEJD.

“Teknikalmente ami prontu nafatin, laos ami mesak deit maibe servisu hamutuk ho ETO para organiza eventu ida nebe maka Maria Vitoria atu to’o mai iha Timor Leste,” dehan Maria Lucia iha SEJD.

Nia dehan tan to’o agora informasaun seidauk klaru bainhira maka Maria Viotoria atu mai, tanba tuir kontaktu nebe SEJD halo ho Jerente ETO Edmundo informa katak aban Maria Vitoria sei to’o deit Bali hodi visita nia mama nebe halo hela tratamentu iha Hospital balun iha Bali, depois ida ne’e Maria Vitoria sei fila fali ba Jakarta.

Kona ba informasaun iha media sosial nebe hatete Marvi sei halo konsertu iha dia 31 fulan Dezembru tinan ida ne’e Maria Lucia hatete ida ne’e informasaun seidauk klaru katak Marvi atu halo konsertu iha ne’e

“iha dia 31 ne’e mos hanesan mos dias de herois no iha programa bo’ot iha rotunda Nikolau Lobato nian no kalan iha divertimentu iha CCD, maibe iha ajenda nebe ami horseik hetan husi Estatal iha duni divertimentu maibe seidauk hatene klaru se maka sei prense iha neba, ida ne’e ami seidauk hetan informasaun klaru,” Maria Lucia hateten. Nes