Banku Mundial: PIB Timor-Leste nian tenki aumenta 4,2% iha 2018

Iha nasaun ida ne'ebé gastu públiku sira hanesan motor ekonómiku prinsipal, Banku Mundial (BM) kalkula regresu hosi kresimentu iha 2018 hafoin tinan ne'e "gastu hosi governu ne'ebé la estável tanba eleisaun sira kontribui ona hodi hamenus kresimentu".

Relatóriu hosi BM kona-ba situasaun ekonómiku iha leste Ázia nian no iha Pasífiku indika katak kresimentu hosi PIB iha Timor-Leste ba tinan ne'e hosi 2,4%, diminuisaun maka'as ida relativu ho 5,7% iha 2016, no nota diminuisaun "súbitu" iha gastu sira kapital nian.

Timor-Leste hala'o ona eleisaun prezidensial sira iha Marsu no lejislativu sira iha Jullu.

"Hein katak kresimentu aselera ba 4,2% iha 2018, asaun ne'ebé ki'ik hosi projesaun abril nian, tanba dúvida kona-ba programa ekonómiku ne'ebé Governu foun sei aprezenta", refere hosi relatóriu.

Dokumentu hatudu preokupasaun balun kona-ba nível hosi kréditu ariskadu iha Timor-Leste, ne'ebé fiksa iha 15,3% hosi total iha 2016 - hanesan valor ne'ebé aas liu hosi ekonomia sira hosi illa sira hosi rejiaun ne'e - maski ne'e reprezenta diminuisaun ida hosi 50% iha de'it tinan haat, bainhira antes maka 30,8%.

Kona-ba presu, análize hosi BM nota kontrasaun iha 2015 no 2016 tanba diminuisaun hosi folin sira baril petróleu nian ne'ebé hahú hosi tempu ne'ebá "aumenta neineik".

Banku Mundial kalkula mós katak kresimentu hosi konsumu privadu - "indikador importante relasionadu ho ritmu diminuisaun pobreza nian - sei "diminui tebes iha 2017 duké tinan anterior sira".