Alkatiri: VII Governu Kontitusional Labele Boot

DILI-Atu servisu iha Governasaun ida lao ho efisiensia, no efikasia formasaun Governu nee labele boot, para nunee servisu bele lao ba oin.

Sekertariu Jeral partidu Fretilin Mari Alkatiri nia politika VII Governu Konstitusional labele boot no Governu tenke kiik, atu nunee servisu bele lao ba oin ho diak.

Tanba Governu ida iha parseiru bar barak tendenzia Governu atu boot, nee husu para komprende husik Permeiru Ministru neebe ke foti ba tau iha neeba nia maka halo forma Governu.

Hau seidauk preokupa ho membru Governu , hau nia politika Governu labele boot, Governu tenke kiik, tanba  parseiru bar barak tendenzia Governu atu boot, neebe hau husu para komprende husik PM neebe ke ita foti ba tau iha neeba nia maka halo forma Governu, se hau maka forma Governu nee husik hau maka forma, labele hau forma Governu husi hau nia partidu ema hotu hotu atu halai mai sai Ministru nee labele,” dehan Sekjer partidu Fretilin Mari ba jornalista sira iha Hotel Novu Turismu, Tersa (29/08/2017).

Lideransa fundador ba nasaun nee atu defende prinsipiu Governasaun, iha prosesu Governasaun ida nee, no nia (Red. Sekjer Fretilin Mari) rasik seidauk kandidata aan ba Peremiru Ministru, tanba nee labele mai dehan balu atu ba kandidata aan ba posizaun seluk fali.

Iha fatin hanesan Adjuntu Sekertariu Jeral Partidu Fretilin Jose Reis hateten, Konaba forasaun Governu Sekertariu Jeral Partidu Fretilin Mari Alkatiri dehan tiha ona katak, nia rasik seidauk kandidata aan ba kargu Peremeiru Ministru. Carme Ximenes/Maria Lay